In den Wiesen sah ich eine Dryade

Gedicht von Pierre De Ronsard Sammlung Erstes Buch der LiebesgedichteThemen LiebeEpoche 16. Jahrhundert

Dedans des Prez je vis une Dryade,
Qui comme fleur s’assisoyt par les fleurs,
Et mignotoyt un chappeau de couleurs,
Echevelée en simple verdugade.

Des ce jour là ma raison fut malade,
Mon cuoeur pensif, mes yeulx chargez de pleurs,
Moy triste et lent : tel amas de douleurs
En ma franchise imprima son oeillade.

Là je senty dedans mes yeulx voller
Une doulx venin, qui se vint escouler
Au fond de lame : et depuis cest oultrage,

Comme un beau lis, au moys de Juin blessé
D’un ray trop chault, languist à chef baissé,
Je me consume au plus verd de mon age.

Pierre de Ronsard

Übersetzung von Poésies 123 mit Unterstützung des KI-Modells deepseek-chat erstellt.

Text veröffentlicht auf Poésies 123: https://www.poesies123.com/de/gedicht-dedans-des-prez-je-vis-une-dryade-pierre-de-ronsard/